روايه مكتمله بقلم زهره الربيع

كده
بدر برق بزهول وقال وهو بيحاول يشيل عينه من عليها...امممم احم كويسه
غرام بجرائه غريبه قربت منه وقفت قدامو وقالت وهي بتشاور على نفسها ...كل ده بس كويسه
بدر مقدرش يمسك نفسه اكتر وقف وشدها من وسطها وقال وهو بيحاول يهدى..انت عايزه ايه بظبط ها مش فاهمك
غرام بصت في عنيه بغل وقالت..عيزاك تسبني في حالي تسبني امشي من هنا وانا جاهزه لاي مقابل اديني قدامك انا فاهمه انت بتعمل كل ده ليه وموافقه اتفقنا
بدر بصلها بزهول من كلامها دفعها بعيد عنو واتنرفز جدا وقال...انتي فاكره اني مخليكي معايا علشان كده ازاي تفكري كده اصلا هوانا في نظرك رخيص اوي كده
غرام باستهزاء ..تؤتؤ انت في نظري ارخص بكتيييير من كده بلاش تحور معايا وتعالى دغري يعني لو مكنتش عايز كده حابس بنت عمك وقاعد لها في اوضتها ليه بصفتك ايه انا معنديش مانع اتفضل
بقلمي...زهرة الربيع
قلم قوي جدا نزل على خد غرام من بدر اول ما قالت كده ومسكها من دراعاتها بقوه وقال ...انا جوزك ..جوزك شئتي ام ابيتي وقاعد معاكي بصفتي جوزك ولازم تتأقلمي يكون اريح ليكي وليا ومسك وشها رفعو ليه پعنف وقال...انا لما جبتك من شقتو قلت اكيد عمل حاجه علشان تروحي معاه غرام متعملش كده بس دلوقتي عرفت اني ظلمتو وانك اۏسخ من ما كنت متخيلك بكتير 
غرام حطت ايدها على خدها وفضلت تبكي بشده
وبدر نزل وهو مش شايف قدامو اتفاجأ بسحر قاعده مع والدتو حاول يكون هادي وقال...اذيك يا سحر انا اسف مشيت من غير ما اتكلم معاكي بس كان فيه موضوع مهم
سحر قالت بضيق...طبعا طبعا فيه مواضيع معاك مش عريس جديد وعروستك لسه خارجه من المستشفى واكيد وحشاك
بدر بنرفزه...انا الساعه دي بذات مش حمل تقطيم حابه نتكلم ولا لا
سحر بصت لملامحو وحست انو مخڼوق فمرضيتش تكتر معاه قالت بهدوء..تمام نتكلم
صفاء كانت هتخرج بس بدر قال خليكي انتي يا ماما انا وسحر هنقعد في الجنينه حاسس اني مخڼوق شويه
صفاء بخضه..مالك يا بدر يا حبيبي انت كويس مش كده البخاخ معاك
بدر مسك دماغو وحاسس بصداع وقال..انا كويس اوي يا ماما ومش محتاج للبخاخ لو احتاجتو هو في جيبي متقلقيش وطلعو الجنينه
سحر بهدوء انت كويس مش كده
بدر بضيق..لا ياسحر
انا مش بخير ابدا انا محتاجلك اوي محتاجك جمبي وقرب منها ب وقال ...قولي انك بتحبيني يا سحر انا اتحب مش كده
سحر حست انو موجوع هيه متربيه معاه وعارفه لما يكون مضايق قالت بحنيه...تتحب بس دانت العشق اتخلق علشانك يا بدر انت ادمان او مرض ملوش دوا انا بعشقك انت عمري كلو
بدر ابتسم بسعاده كان نفسو يسمع الكلام ده جدا ثقتو في نفسو اول مره تتهز كده بعدعنها وقال ...انتي الي مفيش منك يا سحر انا ب..احم .بعزك جدا
سحر ضحكت بۏجع وقالت بتعزني ..مش قادر تقولها مش كده انا غلطت لما فكرت ان فيه حاجه تقولها عن اذنك
سحر كانت هتمشي بس بدر مسك ايدها وقال ..استني يا سحر هحكيلك كل حاجه
في الوقت ده غرام لبست هدومها وبقت تلف في الاوضه عايزه تخرج باي طريقه فتحت البلكون شافت البوابه مفتوحه وبصت بعيد شافت بدر واقف مع سحر عند مدخل القصر بعيد يعني صعب يشوفها راحت ناحية الدولاب طلعت مفارش السرير وبقت تربطهم في بعض وعايزه تهرب من البلكون بالطريقه التقليديه وفعلا ربطت طرف المفرش في البلكون باحكام ونزلتو علشان تنزل عليه
بدر بقى كان واقف مع سحر مضايق جدا قال بضيق..بصي يا ستي الحكايه ان غرام زي ما انتي عارفه مامتها المانيه ولما عمي عرف انو هيتوفى قريب من كلام الدكاتره طلبني انا وبابا واصر اني اتجوز غرام قدام شهود جواز سوري لانها كانت ١٥ سنه بس يعني منقدرش نكتب عند مأذون طبعا هو كان خاېف ان مامتها

تاخدها معاها لما تيجي تسافر وهو مكانش عايزها تتربى بره انا وبابا وافقنا علشان منزعلوش ووصانا ان اول ما تتم ١٨ سنه نكتب الكتاب وده فعلا حصل السنه الي فاتت لما كملت السن المطلوب بس مرضيناش نقول لغرام علشان ممكن ما توافقش وكتبنا الكتاب بالتوكيل الي عملاه لبابا ادي كل الحكايه انا وهيه زي ما كنا قبل الجواز اخوات وبس وده ميمنعش جوازي منك في شئ انا عايزك جمبي يا سحر
سحر بتحاول تستوعب قالت طب هيه والدتها مقالتلهاش حاجه
بدر پغضب..لا دي كانت ست فيها العبر زي ما تكون ما صدقت انو ماټ زي ما توقع حبت تمشي قبل ما يكمل شهر حتى ساعتها غرام كانت حزينه عليه وداخله في اكتئاب اول ما قولنا لمامتها اني اتجوزتها وهتفضل معايا بس ماتقوليلهاش دلوقتي وافقت على طول من غير حتى ماتفكر وغرام زعلت ان امها هتمشي وتسبها وقالت مش هسيب المكان الي عاش فيه بابا هو كمان عمي كان كلمها قبل مايموت وقلها لو جرالو حاجه تفضل هنا متسافرش فغرام حبت تنفذ وصيته وتفضل هنا
سحر ..طيب والموضوع الي خلاها بالحاله دي الي من ٣ شهور ايه
بدر اتحولت ملامحو لڠضب رهيب وقال...الموضوع ده بذات متتكلميش فيه خالص تمام 
بقلمي...زهرة الربيع
سحر پخوف ..تمام بس انا لو هوافق ان خطوبتنا تستمر يبقى عندي شرط
بدر..شرط ايه اشرطي براحتك
سحر بهدوء..هاجي افضل هنا عند خالتي كام يوم علشان اشوف بعيني اذا كنت بتعاملها زي اختك زي ما بتقول ولا بتضحك عليا
بدر اتنهد وقال...تمام وانا موافق
نرجع لغرام..بعد ما نزلت جريت على البوابه وكان البواب بيتكلم مع زميله فتسحبت وخرجت وجريت بسرعة البرق بعد مسافه صغيره اتفاجأت بعربية هشام كان جاي ياخد سحر
هشام اول ما شافها قال للسواق يوقف هو جايب السواق لان دراعو مكسور مش هيقدر يسوق ونزل من العربيه وقال بفرحه..غرام عامله ايه انا
كنت هتجنن واشوفك
غرام بتوتر مش وقتو يا هشام ارجوك مشيني من هنا انا هربانه من بدر
هشام كأن طاقة القدر انفتحت له قال وهو بيبص شمال ويمين...تعالى معايا يلا اركبي بسرعه ووووووو
للحلوين الي قاعدين زهقانين
هشام كأن طاقة القدر انفتحت له قال وهو بيبص شمال ويمين ...تعالي معايا يلا اركبي بسرعه
غرام ركبت العربيه معاه من غير ماتفكر حتى وهشام ركب جمبها وقال....اطلع بسرعه يا عم عادل على شقة المهندسين
بدر كان بيتكلم هو وسحر ودخلو بعدها القصر وبدر كان قلقان على غرام خاېف لتعمل حاجه قال...انا هطلع اشوفها نامت ولا لا واشوف لو عايزه تاكل
سحر بسرعه...خدني معاك اشوفها
بدر بضيق...تعالي يا سحر
بدر وسحر طلعو واول ما فتح الباب اتفاجأ انها مش موجوده فى الاوضه بس افتكرها في الحمام فضل يخبط على باب الحمام بس لقاه مش مقفول من جوه فتح الباب واټصدم لما لقاها مش موجوده
بدر كان زي المچنون مش مصدق انها مش موجوده فضل يدور في الاوضه پجنون لحد ما شاف المفارش الي نزلت عليهم حس الارض بتدور بيه لمجرد فكرة انها هربت خاف تحصلها حاجه بقى نفسو ضاق جدا وبقى مش قادر يتنفس
سحر جريت عليه پخوف وقالت...بدر ..مالك يابدر وطلعت البخاخ الي بيستخدمو وحطتو في بقو وحطتلو منو لحد ما هدى شويه قالت..انت كويس يابدر..احسن دلوقتي
بدر مردش عليها سحب سلاحو ونزل بسرعة البرق مكنش شايف قدامو لدرجة انو والدتو فضلت تنادي عليه بس مكانش بيرد ساق عربيتو وطلع بسرعه
على الطريق رن لعصام وقال بقلق...ايوه يا عصام اسمعني كويس غرام هربت حاول تجبلي تسجيل الكميرات بتاعت الشارع كلو بسرعه يا عصام
غرام كانت وصلت هيه وهشام شقتو دي شقه بتاعت هشام بعيد عن فيلتهم فتح الباب وقال بابتسامه..اتفضلي يا غرام ادخلي انتي خاېفه مني ولا ايه
غرام دخلت وقالت بسخريه والم...اخاڤ منك هو مين ېخاف من التاني دانت قاعد مع واحده مجنونه
هشام قعد جمبها وقال...اوعي تقولي على نفسك كده الي يقول عليكي كده هو الي مچنون دا الجمال ده يجنن بلد
غرام ضحكت بحزن وقالت..بجد شكرا ياهشام بس انا خاېفه عليك من بدر ده لو عرف اني معاك ھيأذيك وانا مش هقبل تحصلك حاجه بسببي ونزلت دموعها وقالت..انا مش حمل ذمب تاني
هشام مسح دموعها باديه وقال بابتسامه...متقلقيش عليا هو ميعرفش الشقه دي اصلا واخرو هيجيلي على البيت ېهدد وشاور على دراعو المكسور وقال..وبعدين هيعمل ايه اكتر من كده
غرام قالت بخضه..يا نهار ابوه اسود هو الي عمل فيك كده
هشام قام وقال بخبث..ايوه هو وايه السبب تفتكري كل الحكايه اني قلتلو انو غلط يفضل معاكي كده ويضحك عليكي ويقلك انكم متجوزين
غرام بلهفه....يعني هو فعلا مش متجوزني انا كنت متأكده طب جاب قسيمة الجواز الي معاه دي الزاي
هشام بخبث..تلاقيه ضاړبها هو هيغلب ده بدر القاضي يعني مش صعبه عليه حاجه زي دي
غرام بحزن..انا تعبت انا بكره اوي نفسي اخلص منو وارتاح

هشام بغل...هيحصل وحياتك هيحصل بس انا

وانتي لازم نسافر بره البلد انا هتصرف في الاوراق في اققرب وقت ونمشي انا وانتي
غرام بفرحه...بجد هتمشيني هتعرف تسفرني
هشام بابتسامه...طبعا اعرف انتي متشغليش بالك انتي روحي ارتاحيلك شويه وانا هاروح اشوفه وصل لايه ضروري هيجي البيت يسأل عني
هشام نزل وراح بيتهم لقا بدر مستنيه اول ما دخل مسكو من قميصه بعن ف وقال پغضب مرعب.. غرام فين يا هشام
هشام بتمثيل...غرام ..وانا هعرف ازاي غرام فين هيه مش في بيتك
بدر كان متعصب جدا بس
حاول يهدى علشان يعرف ازا كانت معاه او لا قال... هو انت مش كنت هتيجي تاخد سحر مجتش ليه
هشام ببرود...عادي محبتش اضايقكم قلت اسيبكم تتصافو واهو تضحك عليها بكلمتين وتصدقك زي العبيطه ادخل انا ليه واعطل المراكب السايره
بدر اتعصب جدا بس حاول يداري قال...غريبه مع ان الكميرات صورتك وانت داخل الشارع وقريب من القصر
هشام بنفس البرود....طب ما انا بقولك كده بعد ما جيت اخدها قلت اسيبكم تتكلمو ورجعت وبعدين انت بتحقق معايا ليه مش فاهم
بدر بضيق شديد...بكره تكبر وتفهم يا هشام وكمل بنبرة تحذير ..وتعرف ان مش انا الي يتلعب معايا قال كلامو وخرج من غير ما يستنى رد
بدر رجع القصر اخر اليل بعد ما دور في كل المناطق القريبه منهم وسأل كل الي يشوفه وكان هيتجنن حرفيا وصل القصرلقا والدو ووالدتو وسحر وعصام مستنيينه حكالهم الي حصل وكل الاماكن الي دور فيها ولما راح لهشام
سحر بضيق....هو انت قلقان كده ليه يا بدر مسرها ترجع وبعدين ايه دخل هشام انت كل حاجه تقول هشام وامبارح كسرتلو دراعو من غير سبب انت على طول مستقصدو
بدر كان هيتكلم بس صفاء قالت بسرعه....يا حببتي هو هيستقصدو ليه بس ده