قصة كاملة حمزة

بدرى ليه 
رامى يا راجل دانا بقالى أكتر من ساعتين 
حمزه وماله كنت بيت عند الى كنت عندهم
أمسك رامى يد حمزه الممسكه بيد رنا وأزاحها بلطف وقال لأ كفايه عليك كده يا خويه أنت بقالك ساعتين بتتنحنح وتسبل خف شويه عليه هى مش أدك 
ضحك حمزه بشده وقال أيه ده غيره دى 
رامى اه غيره عندك مانع 

حمزه لأ وانا أقدر كل الى انت انا روحى ف أيدك وبمناسبة روحى مش ناوى نحدد يوم الفرح يادوبك نحدد من دلوقتى عشان نحجز الفندق 
رامى ايه فندق منعملها فى اى نادى مش لازم فندق يعنى 
حمزه ماينفعش يا رامى انا ناس كتير جدا مايعرفوش انى كتبت كتابى عشان اتعمل ع الضيق ولما هعمل فرحى هعزم ناس كتير مش هينفع ولا هيكفى اى نادى العدد ده 
رامى ايوه بس فندق ده هيتكلف كتير 
حمزه رامى انت عارف وقلت لك قبل كده انى متكفل بالفرح 
رامى حمزه احنا اتكلمنا قبل كده ف الموضوع ده وقلت لك انى معملتش لرنا خطوبه فالأصول بتقول انى أشاركك الفرح 
حمزه يابنى ده فرحى ورنا مراتى فانا مش شايف داعى للحساسيات دى 
رامى حمزه ممكن مانتكلمش ف الموضوع ده تانى روح شوف الفندق الى انت عايزه وأحجز وعرفنى نصيبى كام عشان أدفعه وقبل الفرح هيكون كل حاجه جاهزه وحاجة رنا خلصانه 
تنهد حمزه وقال ماشى يارامى ماشى ياعنيد ... انا قلت لرنا انى هخلى مهندس الديكور الى بيعملى الشقه يبعتلى كام حاجه تليق مع العفش الى انا مختاره وانتم أختاروا وانا هخليه يكلف حد يفصله بدل الجاهز
رامى بأرتباك اه ماشى مفيسش مشكله ... ياله يارنا عشان نلحق نرجع 
رنا اه ياله يا آبيه 
حمزه طب مش هتيجوا عندنا عشان رنا تسلم على أمى 
رامى لأ معلش خليها يوم تانى انا هجيب رنا وساره وماما عشان يجوا يجيبوا شوية لبس لرنا ولوازم المطبخ فيوميها نبقى عاملين حسابنا ونيجى نزوركم ونشوف الحاجه 
سحب حمزه مفاتيحه وأشار الى النادل الذى جاء مسرعا فأعطه بطاقته الأئتمانيه وقال لرامى يادوبك انا أرجع للشركه 
رنا دلوقتى 
حمزه اه عندى كام حاجه مهمه راكن فين يا رامى 
رامى ها هنا 
حمزه تمام أروح انا ولما أحجز المكان هبلغك ... والټفت الى رنا وقال فى فندق معين فى دماغك ولا أقترح أنا 
رنا لأ انا معرفش فنادق 
حمزه طب خلاص هنقى أحسن ٣ وأبعتلك الصور وتنقى الى يعجبك 
رنا مبتسمه ماشى 
حمزه بنظره حانيه مع السلامه 
رنا مع السلامه
خرج حمزه من المطعم فالتفتت رنا الى رامى الذى كان سارح آبيه مش ياله 
رامى ها
رنا آبيه مالك 
رامى مفيش يا حبيبتى ياله
قامت رنا مع رامى الذى فاجئها بأنه أوقف تاكسى ركبت رنا مع رامى التاكسى وقالت آبيه فين العربيه 
رامى ها
رنا هو فيه ايه يا آبيه مالك سرحان ومش مركز وبعدين فين العربيه 
رامى واحد صاحبى خدها منى 
رنا صاحبك هو انت ليك صحاب هنا ومن أمتى انت بتسلف عربيتك لحد 
رامى پغضب يوووه يا رنا هو تحقيق ماخلاص سلفتها لواحد صاحبى وخلاص تعرفى تسكتى 
رنا بحزن حاضر يا آبيه 
أستشعر رامى انه صب غضبه على رنا ولعڼ نفسه عندما رأى الدموع فى عيونها 
رامى رنا معلش ماتزعليش منى انا بس دماغى مشغوله شويه 
رنا مفيش مشكله يا آبيه انا بس كنت بطمن عليك وخصوصا انى دى أول مره تكدب عليه 
أبتسم رامى وقال علطول فقسانى كده يا رنا 
رنا فين العربيه يا آبيه 
تنهد رامى وقال واحد صاحبى خدها منى هيبعيهالى 
رنا ايه هتبيع عربيتك ليه 
رامى ممكن نأجل الكلام لما نوصل اسكندريه وانا هحكيلك كل حاجه
وصل رامى ورنا الى منزلهم وطلب منها ان تبدل ثيابها وتنتظره فى غرفتها ريثما يبدل ثيابه هو أيضا ويأتى اليها ليشرح لها
رجع حمزه مره أخرى الى مكتبه وعندما دخل وجد دنيا تصيح فيه پغضب انت كنت فين ياحمزه بكلمك تليفونك بيرن جوا والبريفت مقفول 
حمزه ببرود كنت مع رنا 
دنيا رنا وايه الى جاب رنا هنا 
حمزه كانوا جايين هى وأخوها يشتروا حاجات وقبلتهم أسلم عليهم 
دنيا ياسلام ومن أمتى حضرتك بتسيب شغلك وتنزل فى يوم شغل ومليان زى ده عشان تقابل أى حد 
قال حمزه وهو متوجه الى مكتبه وقال دى رنا مش أى حد 
دخلت دنيا ورائه وقالت انت عارف ان فى ورق مهم كان
 

 

لازم يتمى عليه وبسبب عدم وجودك الشحنه هتتأخر ومش هتخرج انهارده من الجمارك 
حمزه خلاص يا دنبا ماحصلش حاجه تخرج الشحنه بكره 
دنيا انا عايز اعرف انت قفلت تليفونك ليه 
حمزه عشان عارف انك هتقرفينى
دنيا انا ياحمزه
حمزه مهو محدش عارف رقم البريفت بتاعى غيرك 
دنيا ساخره اه صح حتى صفاهانم فلقاك تليفونات ع التليفون الى هنا وهى ياعين أمها مش عارفه ان ده مش تليفونك الخاص ولما رديت عليها زعقت فيه وبتقولى ليه رديت على تليفونه الشخصى 
جلس حمزهعلى مكتبه وقال شدى السيفون 
دنيا ايه 
حمزه يعنى انا ناوى اورى صفا وش تانى عشان هى خدت سكه مش صح 
دنيا ايه عرضت عليك تروح عندها البيت 
حمزه ياريت لو كانت من الصنف ده كنت هعرف اتعامل معاها بس هى داخله فى قصة حب وجواز 
دنيا ايه جوازهى مش عارفه انك متجوز 
حمزه بتقولى انها حست انى مش بحب مراتى 
دنيا عندها حق 
حمزه نعم ياختى أنا بحب رنا 
دنيا بطل كل شويه تردد انا بحب رنا.... انا بحب رنا ... زى ماتكون بتقنع نفسك وبتراجع عشان ماتنساش سيب أفعالك هى اى تقول مش لازم تقولها بلسانك 
حمزه مش فاهم وبطلى تتكلمى بالألغاز يا دنيا قولى الى انتى عايزاه علطول 
دنيا لا ألغاز ولا فوازير ان كان على صفا فأنا هنقل شغلها مع فادى ومش هيكون ليك علاقه بيها تمام 
حمزه تمام 
دنيا خلاص امضى ع الورق الى قدامك عشان أسلمها لمحسن اول حاجه الصبح 
وقع حمزه على الاوراق ثم قال تعرفى انى مستغربك 
دنيا ليه 
حمزه عشان بتحاولى تخرجى صفا من حياتى وتحاولي تردينى فى علاقتى مع رنا وانتى الى قلت لى ان نتيجتها ظهرت وانها هتكون محتجالى وانى لازم اكون جمبها 
دنيا ليه غريبه .... اه عشان انت عارف انى بحبك والمفروض انى احاول العب دور الست الشريره وأفرق بينك وبين رنا صح
حمزه صح 
دنيا انا هرد عليك رد واحد بس انا مش هحاول ابوظ علاقتك برنا عشان انت الى هتبوظها بأيدك ياحمزه يعنى زى مابيقولوا بيدى لا بيد عمرو
قالت دنيا جملتها وأخذت الاوراق وخرجت من مكتبه تاركه حمزه لأفكاره
طرق رامى الباب على رنا وعندما أذن لها بالدخول دخل الى غرفتها 
رنا تعالى يا آبيه 
رامى طمنتى حمزه اننا وصلنا 
رنا اه بعتله ع الواتس مارضتش اكلمه عشان هو مشغول لما يفضى هيكلمنى 
رامى ماشى يا حبيبتى 
رنا قولى بئه يا آبيه بعت العربيه ليه 
رامى بصى ياستى اانا سبتها لواحد يبقى صاحب صاحبى هو قالى خلال يومين هيكون بعهالى 
رنا ليه هتبيع العربيه ليه هتبيع العربيه الى بقالك خمس سنين بتدفع فى أقساطها ليه 
رامى عشانك يارنا الفلوس الى كنت شايلهم على فلوس الجمعيه كل ده مش هيجيبوا حاجه تشرفك أدام عريسك رنا حمزه مستواه اعلى مننا بكتير وأكيد كل الى هيجيبوا فى بيتكم هيكون مستواه عالى اوى ماينفعش ان الجزء بتاعك الى علينا يكون أقل ف المستوى وعشان نقدر نعمل كده يبقى الفلوس الى معايه مش هتكفى فملقتش أدامى غير العربيه 
رنا ايوه يا آبيه بس ده حضرتك بتدفع فى أقساطها بقالك خمس سنين وكنت فرحان لما أقساطها خلصت تقوم تبيعها بسهوله كده 
وضع رامى يده على جانب وجه رنا وقال انتى عندى غاليه اوى يا رنا انتى مش أختى انا بحسك حته منى ولازم أشرفك أدام عريسك عشان عمرك ما تحسى انك أقل منه 
ربنا يخليك ليه يا آبيه بس وحياتى بلاش العربيه انا معايه فلوس الى جدى أدهالى وممكن 
قاطعها قائلا رنا احنا مش هنتكلم تانى الفلوس دى بتاعتك انتى وانا مش همد ايدى عليها 
رنا ليه بس يا آبيه قولى ليه كاره اى حاجه تيجى من ناحية جدى مع انه طيب اوى وبيحبك 
رامى ده عشان انتى ماشفتيش منه حاجه وحشه وانا طول عمرى ماقلتلكيش عشان ما تزعليش منه بس كل الى أقدر أقوله ليكى انى زعلان أوى منه يا رنا ورافض اى حاجه تيجى منه 
رنا بس العربيه 
رامى خلاص يا رنا بئه ماتتكلميش تانى ف الموضوع ده 
رنا 

 

والى يساوى قيمتك الغاليه عندى 
رنا ربنا يخليك ليه يا آبيه 
رامى ويخليكى ليه يا حبيبتى
رن هاتف رنا بالنغمه المخصصه لحمزه فقال رامى اسيبك عشان تردى على حمزه
خرج رامى وردت رنا على حمزه 
رنا الو 
حمزه وحشتينى على فكره 
رنا ده انا لسه سيباك من كام ساعه 
حمزه وكام ساعه دول مش كتير انا متهيألى لما هنتجوز مش هنزل الشغل وهفضل أعدلك ف البيت 
رنا بس بئه ياحمزه 
قلدها حمزه وقال بنفس صوتها بس بئه يا حمزه بقولك ايه انا ظبط مع مهندس الديكور وهيبعتلى كام حاجه وانتى نقى منهم ودنيا هتظبطلى كام قاعه فى اكبر ٣ فنادق فى مصر وانتى برضو أختارى 
رنا دنيا
حمزه رنا دنيا تعتبر دراعى اليمين مش بقدر أستغنى عنها ورامي كل حمولى تقريبا عليها وهى شايله المكتب على دماغها فياريت تشيل من دماغك اى فكره لانك الايام الجايه هتحتكى بيها كتير عشان تظبطوا الفرح 
رنا وانت
حمزه طبعا هختار معكى بس فى الحاجات الكبيره اما التفاصيل الصغيره دى فأنتوا هتختاروها سوا وعشان أريحك دنيا متجوزه ومتجوزه أعز صحابى 
رنا بفرح بجد متجوزه 
حمزه اه ياستى ريحى بالك بئه عشان انا مش بحب ولا هحب حد غيرك انتى يا رنا 
رنا وانا كمان بحبك يا حمزه
سمعت رنا أصوات عاليه من الخارج فقالت لحمزه حمزه هقفل معاك مش عارفه سمعه صوت ساره ورامى بيتخانقوا بره
حمزه ماشى يا روحى ابقى كلمينى بس قبل ماتنامى
خرجت رنا من غرفتها فوجدت ساره تصرخ فى رامى وساميه تحاول تهدئتها 
رنا فى ايه ياجماعه ايه الى حصل 
ساره الى حصل يعنى مش عارفه الى حصل يا ست رنا خدتى رامى وسحبتيه على مصر وبيعتيه العربيه عشان يجيبلك العفش الى يليق بيكى يا برنسيسه 
صاح رامى ساره... وبعدين معاكى انا مش صغير عشان حد يسحبنى ولا رنا عرفت اصلا انى بعت العربيه غير لما رجعتلها وهى مكنتش موافقه 
ساره اه طبعا مهى الملاك البرئ الى مش بيعمل حاجه وانا المفروض اسكت بعد مافضلت خمس سنين تقطع من مرتبك عشان فلوس قسط العربيه ولما كنت بقولك ملهاش لازمه كنت تقولى مش من حقى انى اركب عربيه زى ولاد عمى سكت وحطيت الجذمه ف بؤى تقوم آخرتها تبيعها عشان البرنسسه 
رامى ساره وبعدين معاكى خلاص الى حصل حصل 
ساره يعنى اسكت واحط الجذمه ف بؤى 
رامى لأ طبعا بس الكلام ممنوش فايده 
ساميه والله يابنى هى عندها حق 
رامى حتى انتى يا أمى 
ساميه الحق ما يزعلش الفلوس بتاعت العربيه انتم كنتوا أوله بيها حمزه مقتدر ويقدر يجهز الشقه لكن انت غلبان ومحلتكش غير عربيتك لكن رنا عندها جوزها وأعمامها وجدها كمان يساعدها
رامى انتى عايزه جدى يساعدنا يا ماما بعد الى عملوا معانا بعد ماسبنا سنين ڼموت من الجوع وابويه مش قادر يصرف علينا وهو عنده فلوس بالملايين ولما رجعله عشان الحال  هيتصرف على رنا يبقى جوزها يتكفل بمصاريف الجوازه الى معاه مش قليل 
أفلت رامى ذراعها وقال انتى بتعقديها يا ساره 
ساره بتحدى اه عن أذنك
صعدت ساره الى شقتها ونظرت ساميه الى رنا مستنكره ودخلت الى غرفتها وصفقت الباب بقوه
تكلم رامى بصوت مهزوز وقال رنا .. انا
رنا ليه مقلتليش يا آبيه أزاى تخبى عنى الى عملوا جدى مع بابا 
رامى انا آسف يا رنا مكنتش حابب انك تعرفى بالطريقه دى 
جلست رنا على الكرسى وقالت انا مش مصدقه جدى الى طذول عمرى بحبه وكنت شايفاه اطيب واحد ف الدنيا
يطلع قاسى كده وساره ... ساره الى طذول عمرى بعتبرها أختى بتتهمنى انى بضحك عليك عشان نفسى انا مش مصدقه 
رامى رنا ياحبيبتى ملكيش دعوه بيهم هما مش...
رنا هما مش ايه يا آبيه هما مش بيحبونى وعندهم حق انا بس الى مكنتش واخده بالى آبيه من فضلك رجع العربيه 
رامى بحزم لأ
رنا مفيش لأ بلاش تخليهم يكرهونى أكتر عشان خاطرى طلع نفسك من موضوع جهازى 
رامى لأ يا رنا 
رنا لو بتحبنى يا آبيه اعمل الى بقولك عليه انا مش هرضى تزعل مع ساره. بسببى وانت عارف ان باباها بيتلكك لك ومش عجباها ان فترة الخطوبه طولت 
رامى وانتى 
رنا بأبتسامه واهنه نزلنى بئه من على كتفاك يا آبيه
قالت ذلك ودخلت الى غرفتها واغلقت الباب خلفها وأمسكت هاتفها وطلبت حمزه 
حمزه الو ايه يا حبيبى 
رنا حمزه ممكن أطلب منك طلب وما تسألنيش ليه 
حمزه حبيبى يأمر مش يطلب 
رنا أفرش شقتنا بسرعه وأحجز أقرب ميعاد للفرح عايزه نتجوز قل أخر الشهر ..... ممكن 

 

الحلقه العاشره 
رنا أفرش شقتنابسرعه وأحجز أقرب ميعاد للفرح عايزه نتجوز قبل آخر الشهر ممكن 
حمزه أيه طب ليه 
رنا مش قلت لك ماتقوليش ليه 
حمزه أولا ماتعليش صوتك ثانيا انتى عارفه انى مش هنفذ كلامك الا لما أفهم
رنا ...............
حمزه رناانتى بتعيطى 

حمزه انا قلت كده هحاول أقنع نفسى وأرضى غرورى الذكورى وأقول ان هو التفسير الوحيد 
رنا ماشى ياحمزه 
سكت حمزه قليلا ثم قال بصوت مليئ بالقلق رنا انتى كويسه 
تنهدت رنا وقالت كويسه ماتقلقش 
حمزه طب ياحبيبى روحى انتى نامى دلوقتى وانا هوصب كل حاجه وهكلمك بكره الصبح اقولك ع التفاصيل 
systemcode ad autoadsرنا ماشى ياحمزه تصبح على خير 
حمزه وانتى من اهله ياحبيبتى
أغلق حمزه الهاتف مع رنا وهو يفكر فى ماحدث وجعل رنا تطلب منه تعجيل موعد الزفاف وكيف أقتنع رامى بفكرة أن يترك لحمزه مهمة تأثيث البيت أسئله كثيرهدون أجابات ظلت تعصف برأسه ولكن صوت بكائها مزق قلبه وسيفعل لهاما تريده وخصوصا ان كان ما تريده هو الشئ الذى يحلم به
أمسك هاتفه واتصل بدنيا فردت عليه بصوت غلبه النعاس قائله ايه ياحمزه 
حمزه دنيا فوقى كده عايز منك حاجه
دنيا ما تأجلها للصبح 
حمزه لو ينفع تتأجل للصبح أكيد مكنتش كلمتك 
دنيا خيرررر
حمزه بصى عايزه تكلمى مهندس الديكور يكون عندى بكره الصبح ضرورى تمام
دنيا تمام
حمزه وعايزك تشوفى فندق يكون فاضى يوم آخر خميس ف الشهر وأستعينى بأحسن ويدنج بلينر. عشان تجهز القاعه ف الميعاد وتشوفيلى أحسن ديزاينر فساتين ف مصر عشان فستان الفرح وأهم حاجه تركزى على انها تخلص الفستان ف أسبوعين دنيا بتكتبى ورايه ولا نمتى 
دنيا لا بكتب بس ده فرح مين 
حمزه فرحى انا ورنا 
systemcode ad autoadsدنيا نعم مش كان لسه ٣ شهور ع الميعاد
حمزه حصل ظروف وهنقدم الفرح 
سكتت دنيا قليلا وقالت هى رنا حامل 
حمزه انتى عبيطه يا دنيا رنا مين الى حامل انتى متخيله انى ممكن أخون الامانه وأعمل كده ولا متخيله ان ممكن رنا تكون كده 
دنيا براحه ياحمزه ماهو ده التفسير الوحيد للسربعه دى انا بديك مثل على الى الناس هتقوله لما تعرف ان الميعاد اتقدم 
حمزه ممكن تعملى الى قلت لك عليه من غير فلسفه 
دنيا أوك كله هيكون جاهز بكره قبل الضهر 
حمزه ماشى روحى كملى نومك 
قالت دنيا فى نفسها وهى تغلق هو بعد الى قلته ده ياحمزه فيها نوم 
..................................
جاء الصباح وأستيقظت رنا من نومها ولكنها لم تتحرك من غرفتها فقد كانت تشعر انها لاتستطيع مواجهتهم بالخارج
طرق الباب وعلمت ان أخيها رامى من قبل حتى ان تسمح له بالدخول 
دخل رامى وجلس بجانبها ع السرير وقال رنا 
رنا رجعت العربيه يا آبيه 
رامى بقلة حيله أيوه 
رنا طب كويس صالحت ساره 
رامى اه وسكتت قليلا ثم قال حقك علييه يارنا 
أرتمت رنا بين ذراعى أخيها وقالت حقك انت عليه يا آبيه طول عمرى حمل تقيل عليك وانا مش حاسه 
رامى ماتقوليش كده يا رنا انتى عمرك ماطلبتى حاجه لنفسك 
رنا عشان كده انا أتجرأت و هطلب طلب وياريت تنفذهولى 
رامى ايه ياحبيبتى 
رنا انا عايزه أقدم ميعاد الفرح هنعمله آخر خميس ف الشهر عشان خاطرى يا آبيه ماتقولش لأ 
رامى للدرجه دى يا رنا 
رنا وجودى هنا مش هيسبب غيرالمشاكل وبعدين أتجوز بئه عشان تفوق لنفسك وقالت بصوت حاولت ان يغلب عليه صفة المرح وقالت ايه مش عايز تتجوز البت ساره وتخلفولى عيل صغير أقعد أقرصه من خدوده ويقولى يا عمتو 
ضحك رامى بسخريه وقال ان شاء الله ياحبيبتى 
رنا خلاص يبقى جهز بدلتك يا أخو العروسه 
ربت رامى على جانب وجهها وقال وهو يحاول ان يغلب دموعه مبروك ياحبيبتى
قال ذلك وخرج من الغرفه
.......................
وصلت دنيا الى مكتبها وبدأت فى ترتيب المواعيد وبالفعل حصلت على ميعاد مع مهندس الديكور وميعاد مع منظمة الفرح فى المكتب وبفضل أسم حمزه الأنصارى حصلت على حجز لافضل قاعه فى أفخم فندق
دخلت الى حمزه مكتبه 
حمزه عملتى ايه يا دنيا
دنيا تمام كله أتظبط الحجز هيكون آخرخميس فى الشهر فى فندق .... وأتفقت مع علا شاهين أفضل ويدنج بلينر فى مصر وهى هتظبط القاعه وكمان اتفقت مع بسمه جمال مصممة الفساتين ودى طبعا محتاجه تشوف رنا عشان تقولها على الى ف دماغها وتاخد مقاساتها وأكدت عليها ان الفرح كمان أسبوعين
 

 

وكلمت المطبعه وطبعت الدعاوى وحجزت كمان أحسن بيوتى سنتر للعروسه 
حمزه لأ انا عايزك تحجزلها غرفه ف الفندق يوم الفرح والماكيره تجيلها هناك مش عايزه تروح بيوتى سنتر 
دنيا سهله مفييش مشكله هتيجى أمتى رنا تشوف الديزاينر 
حمزه بكره الغى اى مواعيد الصبح انا هروح أجيبها واتفقى مع المصممه على بعد الضهر وانا هوديها ليها بس سبيلى عنوان الاتيليه 
دنيا تمام كده مش ناقص حاجه 
حمزه هشوف واقولك ميعادك مع مهندس الديكور هيكون كمان ساعه بس انا عايزه اعرف حاجه هى رنا مش هتنقى عفش بيتها 
حمزه هى مفوضانى اعمل كل حاجه انا مش عارف مالها ولا ايه الى خلاها تطلب منى آقدم الفرح 
دنيا طب وليه مسألتهاش 
حمزه تفتكرى ماعملتش كده بس هى مارضتش تقولى 
دنيا وانت من أمتى بتعمل حاجه من غير ماتعرف ليه 
حمزه صوتها كان مخڼوق وأعدت تترجانى وبعدين انا أصلا عايزه اتجوزها انهارده قبل بكره فلما هى الى تيجى تقولى أشغل نفسى ليه وعشان ايه
دنيا بسخريه اه قلت لى الموضوع عشان جه على هواك 
حمزه بثقه بالظبط كده ياله روحى بئه كملى الى كنتى بتعمليه 
دنيا طيب انا حطيت قايمه مبدأيه للناس الى هنعزمهم وهديهالك شيك عليها ولو عايز تضيف حد ضيفه قبل الدعاوى ماتوصل وبكره الصبح قبل ماتسافر نبعت محسن المطبعه يجيبلك ٢٠٠ دعوه عشان تديهم لرنا توزعهم لقرايبها معلش بئه الدعاوى عملتها على ذوقى انت زنقنى ف الوقت ولازم الدعاوى توصل للناس بدرى 
حمزه تمام يا دنيا مش عارف من غيرك كنت هعمل أيه بجد عماد معاه جوهره 
قالت دنيا بسخريه وهى تخرج من غرفتها قوله عشان مش مقدر
بعد ساعه وصل مهندس الديكور واتفق معه حمزه على الموعد الجديد لتسليم الشقه وأختار معه الأثاث الناقص
.........................................
سافر حمزه ف اليوم التالى الى الاسكندريه لمنزل رنا لم يبلغ رنا بنيته للسفر لها 
وصل حمزه الى منزل رنا وأستقبلته زوجة أبيها بضحكه صفراء وأعلمت رنا بوجوده
خرجت رنا اهيئتها الذابله وعيونها المنتفخه من كثرة البكاء وأنف أحمر 
رنا پبكاء انت جيت عشانى صح 
مسح حمزه على شعرها وقال آه ياحبيبتى .... طمنينى بس فى أيه ولا اقولك روحى ألبسى هننزل نفطر بره ونتكلم
لم ترد رنا أبتعد عنها حمزه ورفع رأسها وقال ياله روحى البسى وانا مستنيكى 
أومأت رنا برأسها وقالت بس أتصل برامى عرفه 
حمزه مبتسما ماشى روحى انتى
ذهبت حمزه الى غرفتها وبدلت ملابسها وأستأذنت من زوجة أبيها التى رمقتها بنظره لا مبالاه فأنصرفت من إمامها وخرجت مع حمزه بعدما تأكدت من موافقة أخيها
ذهب بها حمزه الى أحدى الكافتيريات التى تطل على البحر وجلس أمامها وأمسك يديها وقال قولى لى بئه مالك وماتقوليش مفيش 
تنهدت رنا وقالت هحكيلك بس مش عايزه حد يعرف انى حكتلك 
حمزه احكى يا دره انتى مش بتحكى لعيل صغير 
رنا آسفه هحكى
قصت رنا كل ماحدث معها من يوم ما كانت هى وأخوها فى القاهره الى اليوم
حمزه كل ده حصل يا رنا ومش عايزه تحكييلى 
رنا مكنش ينفع اتكلم و دلوقتى لقيت نفسى مش قادره أسكت كنت هتخنق لو كنت سكت أكتر من كده 
حمزه خلاص ياحبيبتى ماتزعليش نفسك احسن حاجه انك قلت لى اننا نقدم ميعادالفرح هنكون ف بيتنا وتبعدى عنهم كلهم وبكره يحسوا بقيمتك 
رنا بس مش هو ده الى كان ف دماغى انا حسيت انى بجد بقيت حمل على كتف رامى وبسببى هيخسر خطيبته ومامته فحبيت أخف عنه
حمزه رنا مش عايز أشوفك زعلانه بصيلها من ناحييه تانيه بصيلها اننا قريب اوى هنكون مع بعض نصحى مع بعض وننام مع بعض وركزى اوى على ننام مع بعض دى 
خجلت رنا واحمرت وجنتيها وقالت حمزه مش هيجى يوم ټندم وتقول يا رتنى ما أستعجلت 
حمزه مش هجاوبك هسيب الايام هى الى تجاوبك ممكن ياله خلصى فطارك ورانا مشاوير كتير جداولسه هنسافر القاهره
رنا القاهره 
حمزه اه هنسافر انا كلمت رامى وقلت له عندنا ميعاد مع الى هتصمم لك الفستان وبعدها هسيبك لدنيا تجيب كل اللبس الى نقصك لبس للبيت ولبس للخروج وكله خلصى كل حاجتك انهارده وبعدها نرجع بليل 
رنا تعرف انا مفكرتش فى كل ده وانا بقولك نقدم الفرح مفكرتش انى مش عندى هدوم ولا فكرت فى فستان الفرح ولا اى حاجه 
حمزه بصى من هنا ورايح ماتفكريش احلمى وانا أحقق حلمك وبأحسن طريقه 
أبتسمت رنا وقالت بحبك ياحمزه 
حمزه هو ده المطلوب دايما أفضلى قوليها
أبتسمت رنا وانهت فطارها وبعدها أنطلقوا الى القاهره وهناك سلمها حمزه الى دنيا أكتفت رنا ان لحمزه كل الحق فى الاعتماد على دنيا فهى بجانب انها أمرأه جميله أمرأه ذكيه جدا وذهنها حاضر تكاد تجزم انها لم تنسى أى شىئ
بدأوا برحلتهم بالاتيليه وهناك تقابلت مع الديزاينر بسمه الجمال