قصة كاملة حمزة
وده الى انا عايزك تحطيه فى دماغك قبل ما أحكيلك أى حاجه
رنا ...........
حمزه وهو مستمر فى تمشيط شعر رنا وقال أحلام كانت سكرتاريه لرجل أعمال كبير أسمه عمار السيوفى
رنا زى دنيا كده
حمزه لأ يمكن أكتر من دنيا عمار وأحلام كانوا بيعملوا صفقات من الباطن لصالح شركه لحسابهم عمار مكنش المالك الوحيد للشركه كان معاه ناس تانيه فى مجلس الاداره فكان ساعات بياخد مناقصات لصلح شركته الى عملها مع أحلام فى الباطن .... المهم ده كلام انتى مش هتفهمى المهم عمار كان متجوز واحده بنت راجل مهم فى البلد ومهم جدا كمان وف نفس الوقت طبعا كان ليه علاقه طبعا مع أحلام تعدت الشغل يعنى سكرتاريه وشريكه ف الشغل وبليل ... انتى فاهمه طبعا
ترك حمزه الفرشاه وأمسكها من كتفيها ولفها لتنظر له وقال ساعات بحس انك بيور اوى لدرجة انى مش عايز أكمل عشان ما أخدش براءتك وارجع تانى واقول لازم أعرفك عشان تنشفى شويه وتبطلى تشوفى الناس بعينيكى البريئه دى
أكمل حمزه قائلا مكنتش مراته يا رنا كانت معاه فى الحړام .... يعنى عشيقته
حمزه هى دى الحقيقه المهم ف يوم من الأيام ھجم عليهم بوليس الآداب بس لأسباب غير معروفه أخدوها هى بس وعمار أختفى ..... خدوها القسم وهناك اتصلت عليه كتير ما ردش فأضطرت تلجأ لى وتتصل بيه
رنا وانت كنت تعرفها
حمزه كنت أعرفها أحتكيت بيها كام مره ف الشغل وما نكرش انها جميله ودماغها جامده جدا ف الشغل وليها علاقات كتير كنت من وقت للتانى بحتاج حاجه او وسطه عشان أخلص الشغل وكانت بتساعدنى عشان كده كلمتنى عشان أساعدها
حمزه اه طبعا أخدت محامى ورحتلها ... رحت لقيتها مڼهاره ومصممين ينزلوها الحجز طلبت من المتر يتصرف وقالى ان الحل الوحيد انها تكون متجوزه
تكلمت رنا بصوت مصډوم وقالت أتجوزتها
حمزه لأ لأ ماتجوزتهاش انا جبت عمار وضړبته ...... خليته يتجوزها وخرجت من القضيه خصوصا انها ما أثبتوش انها كان معها حد بس كان ممكن بكل سهوله يلفقوا لها قضيه لان طبعا الى حصل ده كله مراته الى كانت عملاه وكانت عايزه تضر بيه أحلام بس ف نفس الوقت ماتضرش عمار
حمزه يمكن فكرت ف لحظه انى أنقذها وأتجوزها صعبت عليه وانا عارف انها كانت هتتحبس وتتبهدل .... بس دى فكره ما أخدتش أكتر من دقايق ورجعت فيها تانى وقلت مش هى دى الى أديها أسمى حتى لو كان حبر على ورق
وقفت رنا أمامه ونظرت فى عيونه وقالت بس كده ياحمزه مافيش حاجه تانيه مخبيها عليه
رنا حصل ايه تانى
حمزه اتطلقوا بعدها علطول وحصل بينهم مشاكل بسبب الشغل الى كانوا شركا فيه فلجأت لى تانى
رنا عملت ايه
حمزه خرجت عمار من الشركه وأخدت مكانه وقدرت نسبته وأشترتها وبقينا شركا لفتره بس
نظرت له رنا والدموع فى عيونها وهى تشعر ان هناك جزء مفقود فى القصه حبيتها ياحمزه
رنا بهمس أعجبت .... بيها
حمزه اه أعجاب ... أعجاب ماتعداش المرحله دى ولا يمكن يتعداها
رنا مش فاهمه أعجاب أزاى
سحب حمزه نفسا وقال رنا أحلام ست جميله وسيدة أعمال شاطره يعنى متجمع فيهاحاجات نادر تلاقيها ف ست واحده مش انا بس الى اتشدت لها مفيش راجل اتعامل معاها الا وأتشد لها وأعجب بيها ان مكنش حبها بس هى دايما كانت السهل الممتنع
رنا بس حبيتك انت
ضحك حمزه بسخريه وقال أحلام تحب أحلام ما بتحبش غير مصلحتها مصلحتها وبس
رنا بس هى قالت لى ...
حمزه رنا ملكيش دعوه بالى قالت له ليكى انتى مصدقانى ولا لأ
رنا مصدقاك ياحمزه بس هى كانت بتتكلم بثقه أكيد مش جايه من فراغ
حمزه ثقتها جايه من ضعفك وهو ده الى كنت بكلمك فيه ..... رنا انتى سايبه نفسك زى الريشه اى حد بشوية هوا يطيرك مانكرش ان ده الى شدنى ليكى أحساسى انك بريئه وضعيفه ودايما محتجانى بس انا عايز ده معايه انا بس يعنى تكونى معايه ضعيفه بس ف نفس الوقت تاخدى منى قوتك وثقتك فى نفسك وماتسكتيش لحد يقولك كلمه تزعلك ماتخافيش وما تبينيش انك ضعيفه يا رنا . .... فهمتينى ياحبيبتى
رنا هحاول يا حمزه بس انت هتساعدنى
حمزه بأبتسامه هساعدك يا رنا .... بس الأهم ساعدى انتى نفسك
رنا حاضر
حمزه عجبتك ديما مرات سيف
رنا اوى جميله اوى
ورقيقه وماحسستنيش لحظه انى أقل منها
أمسكها حمزه من كتفها بقوه حتى ألمها وقال رنا انتى مش أقل من أى حد انتى مراتى وانا لو هحس للحظه انك أقل منى او ماتلقيش بيه مكنتش هتجوزك ولا كنت هاخدك معايه انتى زيك زى ديما ومش أقل منها ولو الحفلات هتسببلك عقده بلاش منها أصلا
ينفع
عقد حمزه حاجبيه وقال ينفع ايه!
رنا ينفع ما أروحش معاك حفله تانى انا أصلا جو الحفلات انا مش بحبه
زفر حمزه بضيق وقال براحتك يا رنا واضح انى كنت بكلم نفسى م الصبح
قال ذلك وأتجه الى السرير ورفع الغطاء أستعدادا للنوم
شعرت رنا انها أغضبته فتوجهت بهدوء وجلست بجانبه على السرير وقالت انا مش عايزاك تزعل منى ياحمزه بس انا مش بعرف اتعامل ف الجو ده ماتنساش ان ده جو جديد عليه مش بعرف اقول ايه ولا اتكلم ازاى ولا حتى البس ايه أبسط حاجه انهارده دنيا انهارده اتريقت على لبسى
قام حمزه وجلس على السرير وقال ايه بتقول دنيا اتريقت على لبسك
رنا وقد أستدركت خطأها هى مش اتريقت هى قالت لى ان لبسى مش مناسب
حمزه والديزاينر دنيا هانم مكنش عجبها هدومك فى ايه
رنا مفيش يا حمزه الطرحه مكنتش ماشيه والفستان مكنش مناسب كان الأفضل لو لبست الأسود ياريتك كنت خليتها كلمتنى امبارح عشان أظبط معاها
أمسكها حمزه من معصمها بقوه وقال وهى توضب لك ليه لبسك انتى الى تختارى الى يناسبك من غير تدخل حد ولو حد تدخل الحد ده يبقى انا مش هى
رنا بس هى بتفهم وذوقها حلو
حمزه وانتى كمان عندك عقل وبتفهمى وذوقك احلى منها مېت مره
رنا اه .... سيب ايدى يا حمزه وجعتنى ... وبعدين مش هى دنيا دى الى خلتها تختار معايه كل لبسى
ترك حمزه معصمها وقال وديتها معاكى عشان الوقت كان ضيق ومفيش حد معاكى وعشان كمان انتى ماتعرفيش أماكن ف القاهره تجيبى منها حاجتك مش عشان ذوقك مش بيعجبنى
تنهد حمزه وقال رنا .... رنا انا بحبك وبحب ذوقك وكل الى فيكى عجبنى وان كانت الحفلات بتوترك بلاش منها خلاص بس ده مش معناه انى بعمل كده لانك مابتشرفنيش ولا الكلام العبيط الى ف دماغك ده ولو حصل فى يوم وأحتكيتى بأى حد هيحاول يقلل منك تردى عليه وتصديه انتى مرات حمزه الأنصارى .... مرات الأسد فاهمه
رنا فاهمه
حمزه طب ممكن افهم قافله تليفونك ليه
أطرقت رنا برأسها وقالت محدش بيتصل بيه
حمزه ورامى
رفعت رنا رأسها وقالت رامى
حمزه اه رامى يا رنا ..... اتصل بيكى اكتر من مره وبعدين كلمنى
رنا هكلمه
حمزه طب يا رنا براحتك بس ياريت تكلميه عشان قلقان عليكى
رنا حاضر
حمزه وهنروح لجدى بعد بكره ... وقبل ماتعترضى هتروحى وهتقعدى مع جدك وهتتكلمى معاه تمام
رنا حاضر
فقالت رنا بدلال غير مقصود حمزه
رنا ما بلاش كده ليطلع حد من قريبنا
حمزه پغضب حتى لو ....
لبس حمزه ملابسه وذهب الى الباب وفتحه وتفاجئ بوالدته تقول حمزه حبيبى وحشتنى يا قلبى
حمزه وهو يحاول ان يدارى صډمته وانتى كمان يا أمى
زينب وهى تمسك بوجه بين كفيه مالك ياحبيبى شكلك خاسس اوى
حمزه لا خاسس ولا حاجه خشى يا أمى هنصحى الجيران ولسه بدرى اوى
تجاهلت زينب كلمات حمزه ودخلت الشقه وخلعت حجابها وجلست وهى تقول فين رنا ياحبيبى معقول لسه نايمه
رنا اهلا ياطنط نورتى والله
زينب بلبن يا حبيبتى ..... الشاى بلبن
رنا اه طبعا حاضر
دخلت رنا الى المطبخ فسحبت زينب ابنها ليجلس بجانبها وقالت عامل ايه يا حمزه
حمزه بخير يا أمى
زينب نسايبك جم يزوروك
حمزه لسه بس أكيد هيجوا بعد ما نرجع من أسيوط
زينب
بعدم رضا اه أكيد .... انا عايز أسافر معاكوا
تفاجئ حمزه ولكنه قال أكيد يا أمى مفيش مشكله
زينب طب ياحبيبى خلينى هنا عندك لغاية ماتسافروا بئه
هتف حمزه وقال ايه .... هنا فين
زينب هنا ياحبيبى .... ولا فى مانع
حمزه وهو يمسح بيده على وجهه ليخبئ غضبه لأ طبعا مفيش مانع
زينب بحسب يا حبيبى انا قايمه أساعد مرات ابنى
حمزه بغيظ ماشى يا أمى
............
التفتت رنا الى حماتها التى لم تشعر بوجودها معها فى المطبخ وقالت مفيش ياطنط بعمل الفطار
رنا بعدم فهم هى مين
زينب عادتك ياحبيبتى
رنا عادة ايه
لوت زينب فمها وقالت دورتك يا قلب أمك
شهقت رنا وخجلت ثم قالت بخجل لأ لسه بدرى على ميعادها
زينب وميعادها أمتى
رنا وهى مصدومه هى .... هتكون ... اخر الشهر
زينب اممم لهو انتى كنتى داخله وهى عليكى
أومأت رنا برأسها ولم تستطيع التحدث
زينب ياخبتك يا ختى ياخبتك ..... لهى المعدوله ساميه ما عرفتكيش ليه تظبطى ميعاد الفرح على دورتك ولا شاطره بس تلهوجينى وتسربعينى وتخلينا نتكركب ونشيل الليله كلها على دماغنا ولا انتى ماصدقتى
قالت رنا ماصدقت ايه
زينب ماصدقتى عريس غنى ومتريش وقيمه وسيما وياما هنا وهناك فقلتى تربطيه قبل مايغير رأيه وتجرجريه انتى وأهلك على مال وشه وتجوزوه
رنا انا ياطنط
زينب اه ياختى انتى والمعدوله امك هو انتوا كنت تطولوا واحد زيه ولا تحلموا بيه .... وانتى كان ممكن يجيلك عريس ربع ابنى وانتى لا حسب ولانسب ولاحتى فلوس يجهزوكى بيها
نظرت لها رنا مصدومه وفجأه تراءى لها صورة حمزه وهو يطلب منها ان تدافع عن نفسها ولا تسمح لأحد ان يقلل من شأنها فقالت بصوت عالى انا ماسمحلكيش ياطنط انك تقولى كده عليه ولا على أهلى .... حمزه هو الى ما كانش يحلم ياخد واحده زيى ولا حتى فى أحلامه
وهنا أرتفع صوت غاضب من خلفها جعلها تشهق وهو يقول رنا .......
الحلقه السادس عشر.......
..........
...........
سمعت رنا صوت حمزه وكأن الدنيا حولها توقفت التفف رنا الى حمزه الذى تحولت نظراته الى اللون الأسود بالتأكيد أسود مثل لحظاتها القادمه
حمزه ممكن أعرف الى انا سمعته ده
رنا أصل .. هى .. كنت ... كانت
وهنا تدخلت زينب وقالت مفيش حاجه ياحبيبى رنا صغيره وأكيد مش واخده بالها من الى بتقوله ... بكره تكبر وتفهم وتعرف تحترم الى أكبر منها
أحتارت رنا بماذا تفسر كلماتها أهى بجانبها أم عليها ... أهى تحاول تهدئته ام تحاول ټعنيفها بطريقه مؤدبه
حمزه الصغير يكبر يا أمى والى مش بيعرف نعلمه
زينب خلاص يابنى انا مش جايه اعمل مشاكل
حمزه مفيش مشاكل ولا حاجه يا أمى انا حطتلك شنطتك فى الاوضه الصغيره ياريت تروحى تريحى عقبال مارنا تحضر الفطار وتناديكى عشان انا نازل المكتب ساعتين وياريت تجهزى نفسك هنتحرك على الفجر
زينب لأ ياحبيبى انا مش هفطر انا هدخل انام ساعتين لحد ماتيجى ونتغدى سوا
حمزه الى يريحك يا أمى أتفضلى
زينب عن أذنكم اه يا رنا بالله عليكى ماتعمليش حاجه فيها لحمه عشان انا ممنوعه منها اعملى فراخ ... ماشى
ردت رنا بخفوت حاضر يا طنط
زينب يحضر لك الخير يا مرات ابنى
قالت زينب ذلك وخرجت من المطبخ وتركت رنا التى كانت ترتجف فى أحدى زوايا المطبخ أقترب منها حمزه وعيونه تطلقان شررا وهو يقول لينا حساب ع الكلام الى انتى سمعته بس للأسف انا متأخر هروح المكتب ساعتين وأجيلك نتفاهم
رنا بصوت يكاد يكون غير مسموع مش هتفطر
نظر لها وقال كلمة واحده وضع بها كل غضبه لأ
قالت ذلك وتركها وهى حتى الأن لا تعلم مصيرها ظلت واقفه مكانها ولم تهتم حتى بتحضير الفطور ولم تكن لديها الاعه لتخرج من المطبخ لتواجهه لذلك ظلت مكانها الا ان سمعت باب الشقه مغلقا فعلمت انه خرج فآدركت حينها انها كانت تحبس أنفاسها .
..........................
دخلت رنا الى غرفتها وقررت ان تفتح هاتفها فهى بحاجه لسماع صوت أحد ينسيها ماسيحدث عندما يعود حمزه
وكما توقعت بمجرد ان فتحت هاتفها وجدت رقم أخيها يتصل بها أبتسمت ورفعت الهاتف وهى تقول الو
رامى كده يا رنا كده حمزه ينسيكى رامى
رنا انا عمرى ما انساك يا آبيه
رامى ياسلام كل ده ماكلمتنيش وقافله تليفونك وانا هتجنن من القلق عليكى وتقولى مانستنيش
رنا والله مانسييتك يا آبيه كل الحكايه اننا كنا مسافرين وكنا ... يعنى حمزه كان معايه و
رامى خلاص ياحبيبتى مش مهم اى حاجه المهم انك بخير ولا ايه
رنا انا انا بخير والله
رامى مبسوطه يا رنا حمزه عامل ايه معاكى
رنا مبسوطه يا آبيه وحمزه مش مخلينى عايزه حاجه وبيحبنى اوى وبيعمل كل حاجه عشان يخلينى مبسوطه
رامى طب الحمد لله يعنى اطمن
رنا اطمن يا آبيه ونزلنى بئه من على كتافك وبص بئه لمستقبلك عايزه افرح بيكى انت والبت ساره
رامى قريب ياحبيبتى قريب ان شاء الله .... وساره جمبى اهيه عايزه تسلم عليكى .. تكلميها
رنا اه طبعا . مفيش مشكله
أخذت ساره الهاتف من رنا وقالت رنا... كنتى خاېفه ماترضيش تكلمينى
رنا انتى عبيطه ولا ايه انا عارفه ان الكلام الى انتى قلتيه طلع منك فى ساعة ڠضب ومكنتيش تقصديه
ساره اه والله مكنتش أقصده انتى عارفه غلاوتك عندى وانا بحبك اد ايه
رنا وانتى كمان غاليه عندى ياساره ومقدرش أزعل منك
ساره المهم طمنينى عليكى احكيلى عملتى ايه فى ليلة الډخله يابت
رنا الله يخربيتك انتى بتتكلمى كده ورامى جمبك
ساره لأ طبعا هو دخل يلبس عشان نازل الشغل وانا دخلت أوضتك ها ياله قولى
رنا سيبك من الكلام ده انا محتاجه نصيحتك
رنا زعلت حماتى وحمزه سمعنى وشكله كده مستحلف لى وانا بصراحه خاېفه
ساره زعلتيها أزاى
رنا من غير الدخول ف تفاصيل زعلتها طلعت فيها وعليت صوتى عليها
سكتت ساره قليلا وقالت وده من امتى يا رنا ماتقنعنيش انك طلعتى فيها من الباب للطاق لازم واكيد تكون هى أستفزتك وعشان كده انتى طلعتى فيها
رنا مش مهم هى عملت ايه المهم دلوقتى اعمل ايه
ساره لأ طبعا مهم ماتقولى لى ايه الى حصل مش يمكن تكون تستاهل
رنا لأ هى ماعملتش حاجه ... انا كنت .. صاحيه من النوم مش مركزه ومش نايمه كويس وطلعت فيها
ساره اممممم وايه الى منيمكيش كويس
أحمرت رنا عندما ادركت معنى كلام ساره فقالت
يوووه يا ساره هو ده وقته
ساره خلاص خلاص ياستى انا هقولك تعملى ايه بس الاول هى لسه موجوده ولا مشيت
رنالأ عندى
ساره طيب انا هقولك تعملى ايه بس الكلام ده لو هى فعلا ماغلطتش معاكى ولا ضايقتك وانتى طلعتى فيها من الباب للطاق
سكتت رنا قليلا وقالت بتلعثم اه ... طبعا هو كده
ساره ولو انى مش مقتنعه بس هقولك انتى دلوقتى تروحى تحضرى غدوه حلوه وحاجه تحلى بيها وشوية عصاير وتروحى تقولى لها كل ده عشان بتحتفلى بيها وتعتذرى لها وتبوس دماغها وهتلاقيها صفيت علطول وياريت لو شوية مسكنه ونحنحه وتقولى لها ممكن أقولك يا ماما اصلى حسيتك زى مامتى الى اتحرمت منها وتعيطيلك دمعتين وخلاص
سكتت رنا وقالت انا ممكن اعمل الاكل والحاجه الحلوه والعصاير لكن الى بعد كده صعب
ساره ده الى بعد كده هو المهم لازم جوزك يجيى يلاقيها مبسوطه منك وضحكتها من الودن للودن وساعتها هينسى انك زعلتيها
رنا تفتكرى
ساره اه طبعا أفتكر ونص
رنا طب ياساره هجرب بس ادعيلى
ساره هدعيلك بس ياله روحى قبل ماجوزك يجيى
رنا ماشى ياساره ربنا يخليكى ليه
ساره يارب ياختى بس عدى الجمايل
أغلقت رنا الهاتف مع ساره وسارت الى المطبخ وأعدت أكثر من صنف وأعدت صنفى من الحلو وثلاث أنواع من العصائر وحضرت المائده التى تحولت وكأنها بوفيه مفتوح يحتوى على كل ما لذ وطاب وبدلت ملابسها وارتدت بنطلون أسود جينز ضيق وعليه بدى من اللون الأصفر وعليه رسومات سوداء ورفعت شعرها فى ذيل حصان رقيق ثم ذهبت الى غرفة حماتها وهى تدعو الله ان يسهل مهمتها
طرقت الباب وعندما سمحت لها بالدخول دخلت بهدوء
رنا طنط انا حضرت الاكل
زينب هو حمزه جه
رنا لأ بس حضرتك مش فطرتى وكده بقالينا كتير تعالى ناكل سوا انا كمان مافطرتش
نظرت لها زينب ثم أدارت وجهها وقالت هستنى أبنى
لاتعرف رنا بماذا ترد عليها لذلك آثرت الصمت وقررت ان تنسحب من الغرفه بهدوء ولكن ما ان التفتت حتى نادتها وقالت استنى انا جايه معاكى
التفتت لها رنا وقالت بفرح بجد طب أتفضلى
سبقتها رنا الى السفره وهى تقول بفرح انا عملت لحضرتك كل الاكل الى ممكن تكونى بتحبيه وعملت لك بسبوسه وكنافه وعملت لك عصاير شرف حضرتك انهى نوع تحبيه حضرتك وانا....
قاطعتها زينب قائله حيلك حيلك ايه ده كله .... كل ده أكل ده يكفى عيله بحاله ويتبقى ... صحيح المال السايب يعلم السرقه
صدمت رنا وقالت سرقه
زينب اه مهو لو حمزه كان بيحسبك مكنتيش بهدلت الدنيا مصاريف كده
رنا ببراءه دى اول مره اعمل اكل انهارده
زينب كمان يعنى كنت عايشين على الدليفرى ... ياعينى يابنى على المصاريف التى تقطم الوسط اشى شهر عسل واشى اكل من بره وياعالم ايه تانى
أطرقت رنا رأسها بحزن وقالت انا كان قصدى احتفل بحضرتك
زينب قالت تحتفلى هو لازم الى يحتفل ېخرب الدنيا كده
قالت رنا وهو تحارب دموعها آسفه ياطنط آسفه لو كنت ضايقتك بس انا كان قصدى أحتفل بحضرتك واسفه برضو لو كنت عليت صوتى عليكى الصبح معلش كنت لسه صاحيه ومش مركزه ... عن أذنك
قالت رنا ذلك وخرجت مسرعه الى غرفتها وأغلقت الباب خلفها وأجهشت بالبكاء ......
...........................
ظل حمزه فى مكتبه لأكثر من أربع ساعات وذلك لكثرة العمل المتراكم بسبب فترة غيابه دخلت عليه دنيا وقالت حمزه
رفع حمزه عيونه عن الاوراق امامه نعم
دنيا فى واحده بره عايزه تقابلك
عقد حمزه حاجبيه وقال مين
دنيا أحلام
حمزه أحلام!
دنيا اه احلام
حمزه ودى عايزه ايه
دنيا قالت مارضتش تقول بتقول موضوع خاص
حمزه دخليها بس ربع ساعه وتعالى قولى الاجتماع جاهز تمام
دنيا اوك
خرجت دنيا وبعدها بقليل دخلت أحلام بهيئتها التى تشع جمالا وجاذبيه وقالت حمزه
تحرك حمزه من خلف مكتبه ومد يده وسلم عليه وهو يقول عامل ايه يا أحلام
سحبت احلام يديها ونفضت شعرها الاصفر الخلاب للخلف وهى تقول بلامبالاه فاين ... انت عامل ايه والمدام
حمزه الحمد لله قولى لى ايه الى فكرك بيه انهارده
وضعت احلام ذراعيها على المكتب ووضعت رأسها عليهم لتكون قريبه من رأس حمزه الجالس خلف المكتب وقالت انا عمرى مانسيتك ياحمزه
للحظات سرح حمزه فى نظراتها الساحره وعيونها التى تشبه عيون الغزلان فى جمالهم انتبه لنفسه فتنحنح قائلا أظن الكلام ده مالوش لازمه دلوقتى
أحلام وهى ترجع رأسها للخلف ليه . عشان اتجوزت
حمزه لأ عشان الى بنا انتهى يا أحلام انتهى ومن زمان وانتى عارفه كده
احلام انتهى بالنسبه لك ياحمزهمش بالنسبه لى ..... انا عمرى مانسيتك والى كان بينا عمره ماهيتنسى بسهوله
قام حمزه من على مكتبه پغضب وجلس امامها وقال پغضب ممكن افهم ايه الى كان بينا يا اأحلام عشان انا مش عارف
أقتربت رنا بوجهها من وجهه وقالت وهى تمد يدها الى ياقة قميصه وكأنها تعدلها وقالت بصوت مليئ الى بنا ياحمزه مش بينفع يتقال بالكلام الى كان بينا أكبر من كلمتين يتقالوا
للحظه شعر حمزه انه سيضعف امام جمالها
